စစ်တွေ၊မေ၂၆-၂၀၁၉
ခိုင်လင်းစံ(VOM)
မြန်မာ့လယ်ယာဖွံ့ဖြိုးရေးဘဏ်ကနေရခိုင်ပြည်နယ်အတွင်းမှာမိုးစပါးနဲ့ဆောင်းသီးနှံစိုက်ပျိုးလုပ်ကိုင်နေကြတဲ့တောင်သူတွေကိုနှစ်စဉ်စိုက်ပျိုးစရိတ်ချေးငွေတွေထုတ်ချေးပေးနေတာမှာ ပြန်လည်ပေးသွင်းဖို့ပျက်ကွက်နေတဲ့တောင်သူအရေအတွက်ဟာရခိုင်ပြည်နယ်အတွင်းမှာ၁၇၂၈ဦးရှိနေကြောင်းမြန်မာ့လယ်ယာဖွံ့ဖြိုးရေးဘဏ်ကနေသိရပါတယ်။
“တောင်သူတွေစပါးစိုက်ပျိုးဖို့အတွက်လိုအပ်တဲ့အရင်းအနှီးတွေကိုကျွန်တော်တို့မြန်မာ့လယ်ယာဖွံ့ဖြိုးရေးဘဏ်ကနေနှစ်စဉ်ထုတ်ချေးပေးနေပါတယ်။လယ်သမားတဦးကိုတစ်ဧကကိုကျပ်၁သိန်းခွဲနှုန်းနဲ့၁၀ဧကအတွက်ထုတ်ချေးပေးနေတာပါ။အဲ့ဒီမှာချေးငွေတွေပြန်မသွင်းတဲ့တောင်သူ၁၇၂၈ဦးရှိနေပါတယ်။ဒီငွေတွေကိုပြန်လည်ရရှိဖို့အတွက်တောင်သူတွေကိုစည်းရုံးမှုတွေတော့လုပ်နေပါတယ်။”လို့မြန်မာ့လယ်ယာဖွံ့ဖြိုးရေးဘဏ်ပြည်နယ်မန်နေဂျာဦးအေးသိန်းကပြောပါတယ်။
တချို့တောင်သူတွေအနေနဲ့စပါးဈေးမရတာတွေ၊လုပ်ငန်းခွင့်အရှုံးပေါ်တာတွေကြောင့်ပြန်လည်မပေးသွင်းနိုင်သလိုတချို့တောင်သူတွေကတမင်တကာမသွင်းတာဖြစ်တယ်လို့ဆိုပါတယ်။
“ကျွန်တော်တို့အတွက်တော့ဒီကချေးပေးတဲ့ငွေကနည်းပေမယ့်အထောက်အကူဖြစ်တယ်ပေါ့နော်။ဒါကြောင့်ပုံမှန်ပြန်ဆပ်ပေးတယ်။တချို့ဆိုလည်းမရိုးသားတဲ့လူတွေလည်းရှိတာပေါ့။စပါးဈေးတွေကလည်းမကောင်းတော့အရှုံးပေါ်တဲ့သူတွေလည်းရှိတယ်။ဒါကြောင့်မဆပ်နိုင်တာလည်း ဖြစ်နိုင်တာပေါ့။”လို့တောင်သူတစ်ဦးကပြောပါတယ်။
“ပြန်မဆပ်တဲ့တောင်သူတွေကိုတော့တရားစွဲဆိုလို့ရပါတယ်။ဒါပေမယ့်တောင်သူဦးရေကတစ်ထောင်ကျော်ဆိုတော့တော်တော်များလေးကိုများတဲ့အနေအထားရှိတယ်။ပြီးတော့တချို့ကလုံးဝတောင်းလို့မရတဲ့သူတွေရှိသလို၊တချို့တောင်သူတွေကလည်းအခက်အခဲတွေကြောင့်ဆိုင်းငံ့ပေးဖို့ပြောတာတွေလည်းရှိတယ်။ဒါကြောင့်စောင့်နေရတာပေါ့။”လို့ဦးအေးသိန်းကပြောပါတယ်။
အခုနှစ်မှာတော့စိုက်ပျိုးစရိတ်ချေးငွေတွေကိုမေလ၆ရက်နေ့ကစတင်ပြီးတော့တောင်သူတွေကိုချေးငွေတွေထုတ်ချေးပေးနေပြီဖြစ်ကာတောင်သူ၁၁၃၁၂၉ဦးကိုကျပ်ငွေ၈၄ဘီလီယံအထိထုတ်ချေးပေးသွားမှာဖြစ်ပါတယ်။
တောင်သူတွေအနေနဲ့ရယူထားတဲ့ချေးငွေတွေကိုပြန်လည်ပေးသွင်းဖို့ကျန်တာမှာ ရခိုင်ပြည်နယ်၁၇မြို့နယ်အတွင်းသံတွဲနဲ့ဂွမြို့နယ်တွေကတောင်သူတွေဆီမှာ အများဆုံးကျန်ရှိနေတဲ့တာဖြစ်ပါတယ်။
#voiceofmyanmar #ရခိုင်ပြည်နယ် #တောင်သူ #သံတွဲ #ဂွ #စိုက်ဘဏ်ချေးငွေ
